17 Jul 2020

Min phuar si a

Phuahtu: F. Vanlalhriatrenga
Satu: Spi (B. Malsawmtluangi)

Bawhar lungmawl a lo pau a,
Ka chung turni pui pawh;
Chhak lenkawlah a lo eng tan leh ta,
Zingtian lunglen a zual chuang e,
Chhunni a rei dawn ngei,
A riang ka tan i zun ngaih a zual thin e.

Rau thla lungmawl ar ang a vai em ni,
Sakhmel dar ang ka tawn a tlai lua e;
Ka mawi lo ve biahzai nem hlan ka tan,
Mahse, zunzam chuan e, min phuar si a.


Turnipui pawh vanzawl kaiin,
Ka chan tur dawn lo hian;
Thlang lenkawlah herliam zel mahse,
I zun ngaia tlaini len hian,
Kian zai a rel si lo,
Chantawk khuarelah lungawi a har thin e.

Mahse, tinkim ka dawn chang hian,
Thliah loh ten i vul tur;
Ka phal thei lo a riang suihlungmawl hian,
Mahse, bawihte a rem si lo,
Nang nen runhmun lendun,
Kei zawng lungrun hraiduhleng ka chawi tawh si.


SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: