19 Jul 2020

Nunhlui

Phuahtu: Zoremi Hmar Zote
Satu: Zirtluangpuii


Senlai liamin tleitir tuaiang kan thar ve a,
Lungdum di zun tanglai phuartu tawngin;
Runrem rela chun leh zua kan chan chhung kha,
A rei lo em tawnmang iang an thamral ta.

Tunah i tang belh rem lo mahse,
Inthen lo'ng aw tia biathu di kan tiam zawng te kha;
Sut leh thei hian kan mawi lo Mampui,
Mahse, khuarel vanduai tahkhua tisei mai an chang ta si.


An hlui si lo i zun min phuartu thinlaiah,
Mahse, lengdang pawmin i liam si maw;
Nunhlui dawna mahten laikhum zalin,
Ka ngai thin che Mampui, ka ngai em che.

Hlimten i thai, i lungdumtu chu pawm mahla,
I nghilh bik hian ka ring thei lo kan nun;
Riang tura duan kei zawng mahriak te in,
Ka tah pui ta'nge aw, kan sulhnu te.

Duhlai nang nen fanau malsawm kan dawn hi,
A hringnun tur kimte'n han dawn ve la;
Lenrual zingah hlimte'n tualchai ve in,
Zua lo hraichawi changa'n i phal em ni?

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: