29 Jul 2020

Panlai rualhlui

Phuahtu: Lalhmingthanga Pautu
Satu: Lalhmingmawii (Mawimawii)


Zantiang chhawrthlapui lo en changin,
Ka dawn vel thin a panlai rualhlui;
Thin laia'n a cham reng kan hlimlai ni zawng te.

Lenrual zawngte u in dawn ve ngai em,
Hlim leh lawma kan lenlainite;
Ka dawnin thinlaiah nghilh ni a awm dawn lo.


Senteta zirpui lenrual zawngte,
Khawia'n tuan zai in lo rel tak le;
Theihchang se rualhluite tawn leh ka nuam ngei e.

Sirva ianga thlawkin len theih chang se,
Fan ka nuam ngei e rualhlui vangkhua;
Chutin hlim ni zawngte a lo her leh ngei ang.



SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: