Kanchhi zun

Phuahtu: Lalduhawma Chhangte
Satu: Lalkima Zote

Khawiah tuan maw hmanah ka di,
Thlang kawr lanu Kanchhi kha,
A sakhmelmawi chhingmitthlaa'n lo cham e,
Kanchhi, khawiah tuan che maw?
Khawia'n nge maw i awm tak?
Kanchhi, aw Kanchhi,
Nang tawn loh nan khua reng a sei tawh e mai.

A thinlai ruk hmangaihna chu,
Hrilhfiah chhuak thiam si lo hian
Thiam tawk tea anka pai te'n ti hian min hlan a,
"Nangmah, keiman ngai em em asin,
Nangman keimah ngai ve lo a mi?
Kei chu lunglen tam tak tuar tawh,
Nangmah ngaiin kei chu mittui tam tawh" a ti.

An runsangah ngaihngamtea,
Khuai ang lawi ve nan tiin,
Lungchimtea biahthu hril dun nan tiin,
"Kanchhi, nangmah in khawnge?
Nangmah inah keimah lo leng ang,
Kanchhi, aw Kanchhi,
Nangmah ngaiin keipawh lunglen tam tawh mawle."

Mahse, ngaiteh chi leh kuang,
Hran vang mai mai hian maw;
A chun leh zua lunglai hrang hlauh vangin maw,
"Nangmah keimah inah lo kal suh,
Nangmah keimah inah lo len chuan,
Kei chu ka nu'n, ka pa'n hau ang a,
Mizo tlangval reng reng ngaihzawn an phal lo" a ti.

A pawi emai Chhinlung faah,
Kanchhi i lo piang lo chu,
Hmangaih biahthu kimte'n hrilh dun a har si,
Nang lah Mizo tawng thiam si lo,
Kei lah nangmah tawng thiam bik si lo,
Biahthu hril tam a har ngei,
Buaithlak teh e, thlang kawr lanu Kanchhi zunzam a uai chu.

Kanchhi, khawiah tuan che maw?
Khawia'n nge maw i awm tak?
Kanchhi, aw Kanchhi,
Nang tawn loh nan khua reng a sei tawh e mai.