14 Oct 2020

Ka di, ka di

Phuahtu: Roliana Ralte
Satu: Lalenkawli Pautu


Laikhuma zalin tawnmangah ka lo leng a,
Tahchuan Parte nang nen a thiangin;
Partin lawrin sam ang then ni tur reng kan dawn lova,
Kumtluang bahsam suihna par min lo hlan a.

Sirva lungrual hlim zai vawr reng dawn lovin,
Siktui thiang cham dela lengngha nen;
Partin vul chu chhemdam thliin a han chhem dam diai diai a,
Tahchuan ka di ka nghilh lo'ng che min lo ti.

Ka di, ka di, lo kir leh rawh,
Ka di, ka di, lo kir leh rawh;
Piallei daiah kumtluang run rem lul suh.


Chutah chhim thlipuiin chhaktiang a rawn bawm a,
Chhawl ang a len ta chi a, chhan rual loh hian;
Nunrawng thlipui hringnun chan tur reng i dawn lo'ng maw tiin,
Tahchuan Parte ar ang ka vai ta a ni.  

Chutah chhingmit ka len tlangtin hrut zelin,
Lairil a cham reng sakhming mawi nen;
Nang chauh ka hlimna tia au zelin,
Ka tawng ta che a, famin chhawl hnuaiah.

Tlang rel dawn lovin tah zai ka rel ta a,
Ngaihlai par famna i zalpui maw?
Ka tawng leh lo'ng maw damchhungah tiin,
Mahse, ka tawnmang mawl mai a lo ni zawk.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: