12 Oct 2020

Ka thinlung tan rukru

Phuahtu: Kimkima
Satu: Kimkima


I lehkhathawn mawi ka chhiara,
Min lo nghak la i tih kha, bawihte.
Intiamna chu ringin, i hmangaihna ka nghak e.

Lengzem-thiami'n Lenga min zem a,
Suihlunglen vangin perhkhuang ka bel a;
Leilung..lunglawm..lunglawm lanu ka ngai che.
Leilung..lunglawm..lunglawm lanu lo haw rawh.
Intiamna chu ringin, i hmangaihna ka nghak e,
Lengzem-thiami'n Lenga min zem a,
Suihlunglen vangin perhkhuang ka bel e.

I tel lo chuan ruh tliak ang mai,
I tel lo chuan ka tlei thei lo,
Bawihte, ka ngai che,
Bawihte, ka ngai che.

I zung leng ngaih a na,
Thasensiar nuimawite,
Bahsem sen kir biang nen,
Ka thinlung tan rukru i ni,
Ka thinlung tan rukru i ni,
Ka hmangaihna neitu i ni.

Val tin mawi tih zuna uai ka phang,
A that mawina ka tan hlimna natna,
Ka tawnah lo vul la ka lalnu,
Hmangaihna par i tlan dun ang,
Hrehawmna leh harsatna ka phal lo'ng i tawnah
Thinlung ser chuan dam ni a nei si lo,
Thinlung ser chuan dam ni a nei si lo.

Lengzem-thiami'n Lenga min zem a,
Suihlunglen vangin perhkhuang ka bel e.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: