Aw lungrun

Phuahtu: K Hminga
Satu: K Hminga

Aw Lungrun, ka hmangaih che,
"Eng chena sang nge?" min zawh chuan,
"Van aia sang leh ngaihtuah phak loh,"
Aiin a sang zawk.

Hmangaihna chu min hlan si chuan,
Min hrilhfiah rawh tia min chhal chuan,
Tihpalh ka di, hmangaihna hrilhfiahna,
Ka pe thiam lo.

Mahse maw, aw Lungrun, hmangaihna chu,
Tawngkam leh thuziaka'n fiah zo lo mahse,
Lo lungphang lo la,
A aia thuk zawk leh ril zawk,
Ka thinlung neih chhun hian,
Bawihpui, ka hmangaih che.

Aw lungrun, lungphang suh aw,
I nunhlui chu engpawh ni se,
Thuruk chhe ber pawh nei mah la,
Theihnghilh ka thlang zawk.

Nuin a hrin, a fate chu,
An sual poh leh hmangaihna a pung,
An tih ang hian i thuruk chhe ber pawn,
Min hmangaih tir che.