Ka thai Tluangte

Phuahtu: L.V Chawngthu
Satu: H.T Lalthanzami

Dawn thiam a har ngei tah zai ka rel leh thin,
Damtea len kan rel chauh va;
Ka ring phal lo, aw, ka ngaithiam thei mawlh lo,
Fam rihsang min liam san hi.

Ka duhlai hi Lalpa min chelh sak rawh,
Tia thlaphang au khan chhangtu a nei si lo;
Van a duai chuang emai,
Nau ang nuarin ka tap ka tap mai dawn e.

Damna dawi kha i tan famchanna tur maw?
Thinlai min run a na ngei e;
Vangkhua a ngui, lenrual hrilh pawh a hai ngei,
Vanduai kan tap run khawharah.

Theih chang se, aw, rauthlaleng zui ka nuam ngei e,
Sakruang i kiangah ngei zal ve ila;
Ana em e, ka tuar thiam lo a ni,
Lalpa, min hnem ang che.

Lam ang let zai reng i rel tawh si lo,
Lung ka phang ngei i tel lo chuan;
Fam zun ngaih zawng hringnun rel thiam a har ngei,
Min thlir ve maw rauthlaleng in.

Thangvanah khian fam vangkhawpui a awm an ti,
Tahchuan a leng a maw ka thai duhlai;
Keipawh chu hmun ka len ve theih nan chuan,
Lalpa min pui ang che.

Thangvanah khian fam vangkhawpui a awm an ti,
Tahchuan a leng a maw ka thai duhlai;
Keipawh chu hmun ka len ve theih nan chuan,
Lalpa min pui ang che.

Fam zung ngaih zawng hringnun relthiam a har ngei,
Ka ngai em che ka thai Tluangte.