12 Jan 2021

Ka zuam lo

Phuahtu: Vanlalsailova
Satu: Vanlalsailova

Thinlaina engtin dam ve ang maw,
Fam zun leng ngai in, aw, ka vai, aw, tlei a har ngei;
Zanah laikhum kha ka bel leh a,
Enteh, a ruak a sin i zalna kha,
A kim lo, engkim hi a kim tawh lo.

Muangte a i tang ka belh lai kha,
Tudang ngai lo te'n ka hlim vawng vawng;
Harsat manganna nen ka cho thin,
Tunah engkim mahte'n ka tuar ta e,
I hmun ruak tu'n nge luah zo ang le,
Ka zuam lo, nang lova run nghah chu.


Theih nise hringmi i chan leh nan,
Rawl ei zai rel lo in ka ngen ang, aw, Van Lal hnenah;
Mahse, van rorel chu ka pawm nang e,
Fa hmasa turin a ko ta che,
Zai rawh le Lal fakin, zai ang che.

Damchhung ni i hring chan tawi mahse,
Kan nghilh lo'ng e Lalram tan i thahnemngaihna zawngte;
Mahse, tu'n nge chhunzawm ta ang le?
I thahnemngaih kan rual pui si lo,
Min dil sak ang che, aw Lal hnenah.

Luaithli nulin ban a rel lo e,
Rual zawng te mak tih ka dawn zo lo;
An hrethiam lo nang ka hmangaihna che,
Nang chauhin i hriat kha.

Khuarei hian lunglen a hnem an ti,
Ka tan zawng khuarei a rei mawlh lo;
Lal Isu ka awmhar min hnem rawh,
I remruat pawm turin min pui ang che,
A hmun ruak nangin luahkhat ang che,
Ka zuam lo hringnun i tel lo chuan.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: