Kaltir rawh le

Phuahtu: Puipuii Hauhnar
Satu: Jenny Jathang

I beiseina zawng leh i hlimna a bo maw?
Lungngai a rumin thinlung hliam mittui far nen;
A na a ni tiraw hmangaih ber chan chu?
Tu hriatpui siloh dam ten tawrh thiam a har a ni.

Mahse, eng chen nge maw i tawrh reng dawn le?
A tel lo chuan tia i nghah reng khan;
A kalsan tawh che, thu in tiam zawng te nghilh in,
Nang lo a hlimna dang panin a liam tawh e.

Ani vang khan i ngui reng dawn em ni?
I thinlung hliamin a liamsan ta che hi;
I huaisenna leh i chakna zawng nen khan,
Thlah liam tawh rawh le, kaltir zawk mai rawh le.

I hmelma tenawm ber lakah i neih zawng i chan,
Ani nen engkim tia i lo suangtuah khan;
A kalsan che a, in kar a tawp tiin,
"A na em e" tiin i rum fo maw?
A pawi lo e, engkim nghilh tawh zawk la,
Hmalam chauh thlir la beiseina thar dilin,
I mittui zawng kha ani khan a phu mawlh lo tiin,
A tel lohna i hringnun chu zawh tan rawh le.

A na a ni tiraw hmangaih ber chan chu?
Tu hriatpui siloh dam ten tawrh thiam a har a ni;
Mahse, hei hi hria la i tana khuanu ruat,
I mittui zawngte hru hul tur i tawng dawn ani aia tha.