Tawk rawh se Anka nem

Phuahtu: Mazama Pachuau
Satu: K. Lalchamliana, Isaac Lalmalsawma, TBC Lalsanglura, HT Lalthanzami

Ka hril dawn, aw, kei ka nunhlui mualliam hnu,
Ka hril zel dawn, aw, ka lenrual zawng zingah;
Enga'n kher nge biahthu di tinkim ka hlan lai a,
Lengdang tawnah suihlung mi hersan le?

Mahse, suihlung phang bik hian mi ring lo la,
Tumtawk leng vai tur reng hian e, ka piang bik lo;
A tha, anka nem chu tawk rawh se.

Hun kha leh chen, aw, i tang ka belh chhung khan,
Ka thinlai ruk dawn reng a hlim thei lo;
Mahse, tunah lengdang i pawm tur,
Ka tan khuanu malsawmna chang rawh se.

Suihlung chhirin lam ang kir zai relin e,
Biahzai thu tin nemte'n min hlan mah la;
Kei zawng pawm leh thei hian e, ka mawi lo che,
Kumtluang atan anka nem chu tawk rawh se.