17 Feb 2021

A hlim thla

Satu: Vanlalruati

Awmhar tinkim dawnin vawiin ni chuan,
A tuahrem lai chhung ka han hawng a;
Tah chuan lungduh hlimthla enchim loh leh,
Biahthu di tham hnu ka chhar chhuak a.

Hmanah zarva iang lungrual ve lai chuan,
Kan tiam kha kumtluang then lo turin;
A sakhmel mawi hlimthla par ang min hlan,
Tunah kumtluang lunglen pui tur hi.

Enchim loh a hlimthla ka chan tawk te hi,
Ka vawng ang fam ka chan ve hma chuan;
Awmhar chang dawn tam lunglenna reng an,
Nghilh loh par kumtluang ro an ka ti.

Ka en hian nunhlui mual liam an thar thin,
Hal lo leh duhten kan lawmlai ni;
Dawn chang ni awm ve ang maw lungrukah,
Khuarei leh a leng zun a uai hi.

Lung a dam thei dawn ne maw kumtluangin,
Khuanu tuah loh di par ang neih chu;
Lung ka chhir engah tawn pawh ka lo tawn,
Kumtluang lunglenna chang chhawl min ban.


SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: