17 Feb 2021

Aw ka thian

Phuahtu: C. Dinthanga
Satu: C. Dinthanga


In chhuahtlang ka rawn kai ve e,
In runin chhungah ka lo lawi a;
I sakhmel tawn leh ka nuam ngei,
I hlimthla mai maw run lo rem.

Aw, ka thian, ka thian duhtak,
Pialral rihsang chu kai mahla;
Ka nghilh lo'ng che englai pawhin,
Aw, ka thian, ka thian duhtak.


Kimte'n dar ang kan lenlai khan,
Thenna thu reng engah mi hlan loh;
Ka phal lo 'sin piallei runah,
Dar tui ang i luang ral mai tur.

Lungrualte'n kan tuanna mawl zawng,
Fan chang tahna ti tam tu mai i ni;
Hringnun i chan lai sakhmel kha,
Vawi khat tal tawn leh ka nuam ngei.

Zion khawpui thar ka thlir chuan,
A hmangaihte'n Lalpa chu bel a;
Lei nun ngai lo te a len chu,
Aw, chutah chen ve ka nuam ngei.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: