Hlui ni a awm lo

Phuahtu: Hmingduhawma (Valpuia)
Satu: Rohluahpuii

Kumsul veia khuarei changin,
Zamual liam tawh mahse;
Ka hriatrengnaah hian hlui ni a awm ve si lo,
Suihlung kan rual lai kha.

Lungrun, i dawnkir ve ngai em,
Kan nun hmanlai chang tawh hnu kha;
Kum sang tam pawh liamin khuarei lo chang mahse,
Nghilh ni reng hi a awm lo'ng, aw bawihte,
Suihlung chhirin nunhlui ngai hian ka rum leh thin,
Thinlai dam ni a awm lo, aw bawihte, ka ngai em che,
Bawihte, ka ngai em che.

Mahriak tea laikhum belin,
Kan hlimthla te ka thlir;
Mittui nen hringnun hi mahriaka hman ka zuam lo,
Bawihte, lo kir hram rawh.

Bawihte, nang nen suihlungrual a,
Lendun leh theih ka nuam;
Mahse, lengdang belin min liamsan tawh si a,
Kir hian i mawi si lo.

Kum sang tam pawh liamin khuarei lo chang mahse,
Nghilh ni reng hi a awm lo'ng, aw bawihte,
Suihlung chhirin nunhlui ngai hian ka rum leh thin,
Thinlai dam ni a awm lo, aw bawihte, ka ngai em che,
Bawihte, ka ngai em che.