Hmangaihna a tawk e

Satu: Lalnunmawia (Valtea)

Ka suihlunglenin di a man thar zel a,
Chung khuanu leng zarah fam ta lo chuan;
Lungrual pui di an ka sawm ve che,
Ka palai bawngte i hming chuanna,
Lo chawi nem hram ang che run nuamah.

Aw, enga'n hmanah ka lo tawn loh,
Zaleng zingah i mawi chuang e;
Theih chang se duhthuleng sam ang hian,
Khiangawiin ka thai chang mai teh la,
Dawn tam suihlunglen ka bang nang e.

Hmangaihna hian chin lem a nei thei dawn lo,
Senlai nau ang tah chang tam tawh mahse,
Kan nun kalsiam a her sual zel a,
Fam hnu nunhlui pialleia tham tur,
Dawn kir zai reng ka rel thei dawn lo.

Hrilin sawi thiam teh reng ila dawn lungruk,
I hai lo'ng i zun nau ang ka vei hi;
Zatlang relthang chhum ang lo zing mahse,
Nemten a chhanna lak thiam ila,
Kan tuarah hmangaihna a tawk e.