Ka tuar zo lo

Phuahtu: Varthanzauva
Satu: Lynda Ralte

Chung Khuanu hianin a rel sual em ni,
Duhlai nang nen kan hringnun kawng hi;
Dar ang kan in tawng, a pawi! a pawi emai!
Thinlaiah ser ang i cham hlen ta si.

Khuanu, min hrilh rawh engvang nge ni?
Hmangaihna riangvai min tah tir tu;
Min hlan mai hi ka tuar zo lo.

Lo piang lo zawk la e, nge piang lo zawk ila,
Thinlai na hi a awm lo mai tur;
Thaikawi bawng palai tirh tal a rem lo maw?
A rem lo! awi duhlai, a rem si lo!

Riahrun rem dunin lenlai chen dawn ila,
Duhlai, ai maw! a thiang tawh si lo;
Biahzai palai hman ka theih chhun lo ni ta,
I rauthla ka chan tawk lo ni ta e.

Kan hma sual ral lian virthli ang hrang hi,
Thuam ang do dun i rel mai zawk ang;
Van pialralah tal kan hlim dun ve tawh ang,
Hmangaihtu khawpui thar tual nuamah khian.