Min hnem rawh

Satu: PCa

Kan kungpui leh innghahna, aw Zothansang,
I thai leh hrai chan tur in dawn lo'm ni?
I chun leh zua unaute'n kan au che,
I sulhnu chhuiin chhingmittui kan dang zo lo,
Kir tiang rel leh hi a rem lo'm ni?

I hmun ruak luahtu an awm lo e,
I aiawh zo reng an awm mawlh lo;
I pamhmai lua e fam rihsang kai tur chuan,
Fam zun ngai a riang hi min hnem leh rawh.

Pheisen darfengah e, vanglai i hmanpui te'n,
Fam rihsang i kai hi an tuar thiam lo;
Theih chang se maw, chelhdin che an nuam e,
I hlimthla an thlir a vanglai nun dawn chungin,
In hnem zo reng reng kan awm mawlh lo.

I hringchan chhungah e, futsal i khelh pui te'n,
Khelmual an lo mawi e nang tel lo in;
Theih chang se maw, lam ang lo let leh la,
I tel lo chuan maw, kan nun khua reng a kim thei lo,
A pawi emai Zothan, lo kir leh rawh.