4 Feb 2021

Na-nu

Phuahtu: Ruati Liankhum
Satu: Ruati Liankhum

Leng zawng zinga sakhmeltha chuang,
Kan duh lai kan chhuang thin che parmawi duhawm ber
Mahse, i vullai a tawi lua emai kan ti,
Ti maia fam i chang hi kan tuar thiam lo,
Van kohna dar a ri chhan zai i rel ta maw?

Nanu, Nanu, i sakruang piallei daiah a zal ang maw?
Kan phal thei lo kan ui vawng vawng che;
I sakhmel tawnni reng awm tawh dawn si lo,
Ka ngai em che lo kir leh mai rawh.


A rel sual em ni Khuanu leng pawh hian,
I hraichawi ten runah siang lo lawi;
Chhawn tur reng i awm tawh si lo maw,
Hrilh an hai ngei an chan a na emai,
Zuapa'n a hnem zo lo luaithli a nul leh thin.

I sakruang piallei dai a zal ni khan e,
Vangkhua zawng pawh a lo ngui ruai e;
Enga'n thlafam min chan san kan tuar thiam lo,
Fam zun leng ngaih kan bang thei si lo,
Mangtha tiin kan thlah mai nang che aw.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: