Phuahtu: Lalnunzama
Satu: Sailothangai Sailo
Inthen lo'ng tia biahthu di kan tiam zawng te,
Thamral leh mai tura'n zawng ka phal thei mawlh si lo;
Mahse, hrual hrui ang ka phuar zo lo che maw,
Thalengdang tawnah lung min her san.
Suihlung a leng emai, aw, nang han then chu,
Zankhua tlai in a thar thin lungrukah;
I ta ka ni tia hmangaihna parmawi,
Min hlan zawngte a thlawn mai lo ni e.
Dawnin thinlaina a dam thei lo nang vangin,
Ka tuara'n a na lua e, derthiam di zun ngaih chu;
Tah nan khua ti sei tur reng hian maw ngaihzual,
Ka lo tawn che, aw, nuihmawi hmeltha.
Hmana kan tiam thu di zawng kha i hai ta maw,
Theih chang se dinthar leh in buan ang pawm leh ila;
Nang ngaia ka tahna te'n mualliam tawh se,
Hlimlai ni puan a thar leh tur.
18 Feb 2021
SHARE
Author: Four Brothers' Mizo lyrics verified_user
Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India
0 comments: