Suihlunglen

Phuahtu: Puia L. Rokhum
Satu: Ruati Liankhum

Tlai tla lenkawl thlirin thinlai a zing riai,
A zam chiai e romei parmawi iangin;
Lunglen a zual tinkim ka han dawn vel a,
Mahriak te'n run lawi ka zuam si lo.

Ka tuar zo dawn em ni suihlunglen hi,
Hnem thiam awm maw hei zawng vangkhaw zauah;
Chutin belh zai relin duhte'n tanglaiah
Ngaihngamte'n hringun ka hmang ve tur.

Lungduh leng zawngte ngaih lai a zual mang e,
Sul ang zui a hringnun kan hman lai te;
Hlimthla chang mai lo se nau ang nuihlai ni,
Lunglen tuar zo hian ka ring si lo.

Duhthu aiang ka han sam vel chang hianin,
Perhkhuang zai chawia lenna tual mawiin;
Bawhar zai hnar ri pawh chhawn bik lem lo hian,
Tlai khua var mai pawh ka nuam zawk e.