Kawtthler khawhar

Phuahtu: K. Hminga
Satu: K. Hminga

In kawtthler tual dai ka fan leh zan khan,
Hriatrengna hniakhnu ka chhui,
Chul chang hnu run ram an iang zo ta maw!
Kan tuallennate'n.
I bumna hruiin min hliamin min hling,
I rinawmnain a hnungchhawn leiah ka ding,
Riannain min rim a, ka ngawt ka bing,
Thimnain min zim ta, ka lung a zing,
Kawtthler khawharah.

Huang lo dai khual chan ka chang ta si a,
In kawtthler tual daiah,
Lunglenna ramri ka kham sual em ni?
Min chhawntu an awm lo,
I dawtthuin ka beng a luh, ka thluak a buai,
Rilru hliam vangin ka thinlung a au ruai,
A au ri thangkhawk chuan ka nun hi a nuai,
Rawng takin a nuai a, ka nun a zuai,
Kawtthler khawharah.

Liam hnu kan tiamthu hliamtu an chang am
Kiang hnu kan karthu ka sun,
In kawtthler tual dai min rawn hruai thleng a,
Lunglen-lung phun turin,
Pen khat mah pen lovin in run ka fang,
Chhin khat mah chhing lovin tawnmang ka mang,
Ka hriatrengna ramah hian i hming a thang,
Mahse, tunah thinlung tuanna a dang,
Kawtthler khawharah.

In kawtthler tual dai ka fan leh zan khan,
Nunhlui zunhluiin min fan,