GAC, vul zel nang che

 Phuahtu: C. Malsawmtluanga (Mala Chhakchhuak)
Satu: Various GAC Artistes

Zirna run sang kai turin zirna run in ka hrut vel a,
Mahse ka lungdumtu reng ka tawng si lo;
Zirna run zawng a run mawi ber chuan min lo kuangkuahin,
Aw GAC, ka tana khuanu ruat!

Aw GAC, vul zel na'ng che aw,
Zaleng zawngte lungruala kan lenna;
Aw GAC, vul zel na'ng che aw,
Theihna zawng zawng i tan kan hlan e.

Than tum lanu val rual te'n i parmawi kan tlan e,
Thiamna finna min hlan zawngte hi;
Kan rul seng lo'ng che, khuarei thleng pawhin,
Aw GAC, ka tan i mawi ber e!

Ţuanna mual te lo dangin kan kar lam lo hla mah se,
A bang dawn lo i zun a uai chu;
Min dem lul lo la, i ngai a luaithli nul hi,
Aw GAC, min nghilh bik suh aw!

Hun leh ni te lo ral zel mah se,
I sakhming chuaia'n kan phal mawlh lo;
Zirna run dang chu khum zelin,
Chatuan thlengin vul reng nang che!

(He hla hi Government Aizawl College hla  a ni)