Leitlangpui ka vangkhua (Roliana Ralte phuah)

Phuahtu: Roliana Ralte
Satu: Leitlang Melody, Pensy B Lalthangliani, YMA Sub-Headquarters Zaipawl, Lalenkawli Pautu

Ti hian ka dawn thin a e,
Leitlangpui ka vang khua;
Hmatiang sawn zai reng i rel dawn lo em ni?
Thlir ve teh, hmar tlangpui saw,
I chhing zo lo lua em mai,
Chhak, thlang, chhim leh hmara leng te'n,
Vul zai an rel a sin.

Ih, e, hmanah chuanin maw,
Zawlkhawpui reng ngai lo vin;
Thiam thai, sum leh paia'n hnung i dawl ngai lo,
Mahse, tunah chuanin maw,
Vangkhaw sawngnawi maw i chan,
Chham ang zal tho la Leitlangpui,
Vul zai rel ve ta che.

I chul zo dawn, i chul zo dawn,
I chul zo dawn, kei ka vangkhua,
Puan ang i chul zo dawn.

Run in mawi a vang luain,
Sum leh pai a luang ve lo;
Thuneihna leh theihna i nei ve lo em ni?
Sirah an hnawl che em ni?
Par ang vul zai i rel loh?
I tawng em lo em ni hmangaitu?
I riang, i riang em mai!

I chul mai tur, i chul mai tur,
I chul mai tur, kei ka vangkhua,
Ka ngai, ka ngai ngam lo.

Duh luat vang mi ngaidam rawh,
Lal lai par vul zai relin;
Hmatiang sawnin Leitlangpui i vul zel dawn,
Thahnemngaia lungrualin,
Thawktu duhawm rual zate'n,
I nunkhaw nawm nana thawk zelin,
Sirsawn an rel zel e.

I chul dawn lo, i chul dawn lo,
I chul dawn lo, kei ka vangkhua,
Puan ang i chul dawn lo.

I chul zo dawn, i chul zo dawn,
I chul zo dawn, kei ka vangkhua,
Puan ang i chul zo dawn.

I chul mai tur, i chul mai tur,
I chul mai tur, kei ka vangkhua,
Ka ngai, ka ngai ngam lo.

I chul dawn lo, i chul dawn lo,
I chul dawn lo, kei ka vangkhua,
Puan ang i chul dawn lo.