21 Sept 2021

Suihlunglen

Phuahtu: Dokamlova
Satu: C Vansanga, R Lallawmsanga (Amama)


Tuar thiam a har ka suihlunglen,
Hmangaih par lawm a reilo em;
Engtin lo tuar i maw lunglen,
Aw, a na, tuanna tlang a dang, tawnni awm si lo,
Ngaiin ka au che, mahse, dar ang tawn nan kar a hla,
Nikhumchhingpa val lunglen iang hian e,
Nang ngai reng hian, nghaki leng iangin nau ang ka lo tap,

Kumtluang par ang vul zel la aw,
Hawilopar thliak la thaleng dang zawng tan,
Awmhar nau ang tahlai ka bang nang e,
Rinawmin lo awm la dam ten tawnni a her leh ang a,
Biahzai tluang tin hril dunin,
Lendun zai i rel ve tawh ang,
Aw, lenghermawii, min han ngai ve che maw?


A thar zel thin nang ngaihlai hi,
Hmangaih nunnem thasensiari;
Cho har thuva ianga nunnem leh nuimawi,
Hlim tling ang sirah ka bel,
Zawl har di lenmawi ka suihlunglen a cham in runah,
Reng vakul biahzai relin zarva leng a sawm e,
Chiar nghianin kei ka sawm tleitiri khiangawiah.

Chungmu iang len thiam ila aw,
Ka chuan ngei in run sumtual;
Huiva iangin hram thiam ila,
Zoawitu sangthing leran ka au nang che,
Riakmaw va lengin zankhua lo tlai kai nan run a vai,
Thing tin tanglai a dil iangin
Chunnun e, thaiah va dil ve la,
Anka tui ang dam mi hawn rawh.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

1 comment:

  1. He hla ka duh zia leh hla thu en chung in kan zaipui ve thei sawih2 ani e.. Tawng upa hrilfiahna ka keu phah hialna.. A mawi vawng2 ani e... Ava lawmawm em.

    ReplyDelete