2 Sept 2021

Zu kan rui e

Phuahtu: Ngurthangvela
Satu; Ngurthangvela


Zu kan rui e, zu kan rui e,
In si lo vin kan rui e,
A in lo ten chawltui ning zu an rui e,
Zu kan rui e, zu kan rui e,
Puithiam rawngbawltu te'n an rui e,
In si lo vin a hming an rui, an rui e.


Chawltui ning zu i sakhmingmawi sawi lai kan bang theilo,
Lei kohhran te lairil a fan buai e;
Rawngbawltu te thinlai ruk a khat zo ta e,
A sakhmingmawi sawi lai an ning thei lo,
Chawltui ning zu hmingin an in baptis rui zo ta.

Chawltui ning zu a sakhmingmawiin min bual a zo ta,
Zofaleng zawng ten kan au dual dual che;
Pastor, kohhran upa thinlai ruk a fan buai e,
Chanchintha hril bansanin ning zu an buaipui,
Do reng chung pawhin chawltui ning zo a rem thei lo.

Rethei chan ai eiruk ching te kan ram hmelma lian an ni zawk,
Zu kan do ang hian i do tlang ang u;
A lang a thianghlim sual pawisa lo an tam ngei e,
Ram hruaitu te u, in ngaihtuah chiang thuai teh u,
Corruption, ei rukna ten kan ram a khat zo ta.

Zoram mipui te u chawltui ning zu kan do rem thei dawn em ni?
Dan siamtu te u khirh takin dan chu siam mai rawh u;
MLTP Act in awmzia a neih si loh chuan,
MLPC zu chhe in in famdairial kan chan zawh hma ngei hian,
Whiskey, brandy, a senchi kan zuar mai tawh dawn lo'm ni,
Kohhran upa leh pastor te u kuang lo nawrin lo rak, lo rak tawh suh u,
Lamlianah leh daiah te thlarau bo zawng zawk rawh u,
Khawtlang hruaitu te u sawrkar dan siam duh lo a,
Kan thu thua veng dan kan lo siam ngawt hi sim a hun ta,
Zoram sawrkar huaisen takin kal zel ang che,
I hmabak hlen tur a tam si,
Zu zuar duh chuan zuar se, a duh lo chuan zuar lo mai rawh se,
A in duh chuan in se, a duh loh chuan in lo mai rawh se,
I chhung te leh i fa te vengtha rawh unaupa.

Roreltu te u, in dinna ngaiah khan ding reng rawh u,
Huaisen takin phei lai khai in kal zel ang che;
Hmabak hlen tur a tam selna anka awm mahse,
Zam lo vin hmatiang sawnin pen zel ang che,
Zoram kalsiam herdanglam la thang leh thar te tan.

Zu kan rui e, zu kan rui e,
In si lo vin kan rui e,
Chapel runah tawngtai rualin kan rui e,
Zu kan rui e, zu kan rui e,
Puithiam, rawngbawltu ten an rui e,
In si lo vin a hming an rui, an rui e.

Zion faten kan dil, kan aiawh roreltu Lalpan min pe a,
Roreltu chu Pathian ruat a ni kan tih kha,
Chung Khuanu chawltui ning zu hmang lo turin kan dil,
Kan dil loh malsawmna lo thleng leh si,
Lalpa remruatah kan ngai leh si lo.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: