Eden huan mawi chantu Adama thlah

Phuahtu: Kapliana
Satu: Lawmtei Chawngte

Eden huan mawi chantu Adama thlah,
Chungnung anchhe khuma ka vah laiin;
Ngai teh, Bethlehem chung angel aw chuan,
"Lawm r'u, Rem Lal a lo piang ta," a ti,
Chutin chhiar sen loh van mi aw mawi chuan,
"Lei chungah rem leng se," tiin an zai.

An zawn laiin van Lal Fa ni mah se,
Hruaitu arsi chuan ran in chhung a chhun;
A tlawm mang e, Van Lal tan ranthleng chu,
Vanten hmangaihna mak an tih a zual,
Nang leh kei vanga ranthleng a chan hi,
A tawk em ni, a tan a tawk em ni?

Khual in chang lo, Lal Isua, tun thlengin,
A hmangaihte zingah a hnawng fo thin;
"Kawng min hawn rawh," tia dil thintu chu,
A hmangaihten engtin tak chhang ang maw?
Hnawng tawh suh se, khawvel Chhandamtu chu,
A vahvaih nan Judai kha tawh rawh se.

Aw, Isu, lo kal la ka thinlungah,
Chenga cham reng atan ka ngen a che;
An hlan ranthleng leh thing anchhedawng chu,
I lawm thin faknain lo thlak sela;
Chutin khawvel tan i tuar na kha,
Lo damin lawmnain hliah tawh rawh se.