31 Oct 2021

Zawlpala leh Tualvungi

Phuahtu: Lalnunmawia (Valtea)
Satu: Lalnunmawia (Valtea), Joseph Zaihmingthanga

Hmasanga leng hnu fam dai rial chang ta,
Zawlpala leh Tualvungi chu;
Khuanu hualin runhmun len zai an rel,
Duhte’n an in lawm hlimte-in;
Mahse an hlimlali ni-t e a reilo,
Dawt  thu leh hmelma len thin vangin maw,
Dawn vel chang ni hian tah lai min thlen thin.

Hmangaih leh duh luat vangin Zawlpala chuan,
A thai duhlai pawm vawng vawng chu;
“Chinlai unau,” tiin a chhal ta e,
A pawi thui em mai, a pawi em e;
A then a tul ta a thai duhlai chu,
Phuntiha pa thaia’n a chang ta si a,
Dawn vel chang ni hian tah lai min thlen thin.

Duham leh nunrawng, Phuntihpa-leng chuan,
Duh tawk mai lovin Tualvungi;
Zawlpala fam dairial channa a zawng,
Der mai thupha rawn chawi lehinn,
A hrai ta maw turin Zawlpala;
A fam ta a thai duhlai tawng lo chuan,
Dawn vel chang ni hian tah lai min thlen thin.

Zualko palaia’n Huiva an tir ta a,
Zawlpala fam thu thlen turin;
Tahpuan khawng lai Tualvungi tuar chu,
Hril thiam awm lo maw zaleng zawngten,
Chutin a lo thleng Zawlpala zalna,
Rial ang a dai e, sarin a fam ve ta;
Dawn vel chang ni hian tah lai min thlen thin.

Lungleng reng rengin lo fam ta mah se,
An rauthla tialmawi Phengphleng;
Hlimte’n lengin indi rial riala,
Phuntih, itsiknaa khat chuan;
A bawh vuan vuan e, fam chan phah hialin
Chutin zai kan vawr zofaleng zawngten;
Dawn vel chang ni hian tah lai min thlen thin.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: