7 Nov 2021

A lo thang chhandamtu pian thu

Phuahtu: Selhranga
Satu: K.C Runremsangi, Lalnunzira Chhangte

A lo thang Chhandamtu pian thu,
Bethlehem dai bawng in tlawmah;
Keini sual bawia tang hnute,
Min chhan chhuak turin a lo ni.

Aw, tunah hian lo thang leh se,
Kan aw neih chhun zawngin;
Kan tana nausen duhawm lo piang chu,
A nu kiang ngeia dingin;
'Chungnung berah ropui rawh se,'
Tiin kan zaipui ang;
Kan tana nausen tlawm taka lo piang,
A hmingthan lo zual rawh se.


Amah fakin van mi thianghlim,
A pian thu hrilin an lo zai;
Amah faka lo zaipui tur,
Kan mihring zingah an awm lo.

Keini mihring sual fa mah hian,
Kan pian niin lawmtu kan nei;
Chhandamtu pianni lawm turin,
Aw, tunah i kal thuai ang u.

A lo pianna bawng in tlawm chhung,
A thihna thing anchhe dawng chung;
A tan nun nawm ni awm lo vin,
Kalvari tlangah an tuartir.

Hmanah leiah lo tlawm mahse,
Tunah van chung sang zawkah khian;
A lal thu leh a hmangaih thu,
Van mi sang tam takin an puang.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: