Belh ngai lungdi

Phuahtu: Lallianmawia Pachuau
Satu: H Lalrinkimi

Mim ang piangin ka sei lian a,
Hmangaih lungdi ka lo tawng ve a;
Mahse, ka chunnu leh zuaten,
Leng dang belan min lo ti.

Ka chun nunnem min tir lul suh u aw,
Tum loh lenga khiangawih zawng;
Ka ngai ngam lo ka zuam lul lo,
Belh ngai lungdi ka then thei lo.

Ka lungrawn leh lenrualte u,
Dawnthiam ula ka hmangaihna hi;
Ka phal lul lo lengtin chhaina,
Lung ka duh tan chauh lo zawng.

Damchhan ber di ka chan ai chuan,
Ka zal tang e piallei thim hnuaian;
Par mawi changin kan sumtualan,
Ka vul tang e kan run mawian.