Di ruk (Hrilh a hai)

Phuahtu: Harriet Colney
Satu: Harriet Colney

Hrilh zawng a hai ngei lunglam ka vai e,
Hmangaih biahthu di ka hlan ngam si lo che;
Engtin ngai ang che maw tia ka dawn hian,
Min dawn ve hian ka ring mawlh si lo.

Lunglam ka vai, hrilh a hai ngei,
A ruktea di neih reng zawng;
Tawrh thiam a har ngei a riang lungmawl tan hian.

Dar ang tawn chang hian thinlai a hlim ngei,
Theih chang se i kiangah len ka nuam ngei;
Hlimten nau ang nang nen nui dunin,
Chutin duhaisam a kim ngei ang.

Engan nge maw chung Khuanu pawh hian,
Hetiang khera hringnun a lo duan le;
Nghilhni awm hian kei zawng ka ring lo,
Thinlai rukah aw i cham reng si.