Phuahtu: Rokunga
Satu: Central North Division Songster, Michael V.L Rema
Hrinhniang hraichawi te, i lo piang a,
Mi zawng laiah i riang hluan e;
Mim ang i pianna chun ngei kha,
Rihtlangpui zamual a liam ta e.
Ami hraite’n chunnu tang an bel,
Hlim leh muang te’n zan mu an chhing;
Hrai te, khawnge i chun ve kha,
Mahte’n laikhuma i lo zal le?
Zuapa siran maw a bei hle hle,
Thangril laia’n a lo harha a;
Nu hnun tui ngai a lo tap e,
Zua luaithli tui ang a lo hnam e.
Mahriak chuan chawi tlei ka zuam nem maw,
Chung Khuanu’n min chawipui ve se;
Damten zan mu lo chhing ve in,
Tawnmangah tal nghilh ka nuam ve e.
Chun lo hianin thla a leng em ni?
Chung Khuanun a hual zel ang che;
Thil tha pawm la, kawng dik zawh la,
A siam lian ngei ang che rual khumin.
Rual duh leh tlang zawng ka sawm vel e,
Rairah riang tan kan rawn ngen e;
Khawngaih thilpek rawn hlan ve la,
Van khian malsawmin a chhang ang che.
4 Nov 2021
SHARE
Author: Four Brothers' Mizo lyrics verified_user
The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India
0 comments: