Krismas chibai

Phuahtu: C Dinthanga
Satu: Vanlalzapi, P.C Lalremruati, Lalduhsaki

Kar hla a leng rualduhte u,
Kan nghah ni a lo herchhuak e;
Hei ang hun lawmawm kan tawng lo'ng,
I hlim ang u Krismas ni lawmin.

Krismas chibai ka buk che u,
Karhla a leng rualduhte u;
Damchhung khawsak lungkham zawngte puan ang hnawlin,
He hun lawmawm amte'n lo hmang ve u,
Krismas kan lawmna ni ropui.

Khua hmuna kan lenlai khan e,
Lenrual kimten suihlung rualin;
A hun leh ni thleng tur nghakin,
Zaitin kan vawr tlaikhua var zain (za lungrualtein).

Chun leh zua changin mualhranah,
Hraiduh leng awiin kan tuan ta;
Lenrual kim lai nghilh lo nan maw,
Krismas ni kan tiam lungrualtein.

Hringmite lawmna ber pawh hi,
An chang leh thin suihlunglentu;
Lei thimna rawn entu Lal Isu,
Ka sawm che, ka thinlung entu an.