2 Nov 2021

Len dun leh ka nuam

Phuahtu: Lalrindiki Khiangte (Daduhi)
Thluk siamtu: Ronald Sangtea 
Satu: Lalrindiki Khiangte (Daduhi) feat Rintea

Valmawi, i tan hmangaihna ka hlan che,
I tan rinawmin ka hun ka hmang;
Mahse, a thlawn mai i chantir e.

Duhlai, a thlawn mai zawng ka chantir lo,
Hmelma anka kan karah an leng;
Nang thenna thu reng ka dawn ngai lo.

Nang nena tudang ngai lo tea,
Len dun leh ka nuam,
Mahse, inthen a tul si maw,
Tuar thiam a har dawn ngei e.


Mahse, valmawi, kan thenna tur reng hian,
Khuanu'n a siam bik ka ring thei lo;
Inthennan mangtha tih a har ngei e.

Duhlai, thenna thu reng sawi ka zuam lo,
Hun reilote min lo nghak leh la;
Khuanu thurel i dawn dun zawk ang.

Kan run i lo lawi leh nan,
Khuanu ka dil na'ng e,
Nang paw'n dil ve la, Valmawi.

Duhlai, ka dil ang nang nen lendun,
Chutin runhmun kan leng dun mahna.

Nang vanga luaithli ka nul zawng leh,
Zan mu chhin har ka tih zawngte;
Hun hian liampui thuai se,
Hal lo te'n len dun ka nghakhlel.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: