3 Nov 2021

Lungdam nan

Phuahtu: Hminga Hrahsel
Satu: David Zawma


Awmkhawhar khuarei tinkim dawnin,
Hmana kan sul nunhlui;
A thar leh thin thinlaiah,
Nghilh bik che hian ka ring lo.

Thaleng zawngte sirah hnawlin,
Kan kar lamtluang sei mahse;
Ka tan lo kir leh mai rawh,
Ka lungdam nan.


Rinawmin tia biahthu min hlan,
Leng zawngte duhaisam;
Ka tan tahna mai maw,
Ka lunglawmna zawngte.

Kumsul lo veiin nang ngaih a zual,
Ka lawmna leh lungkham;
I sakhmel thinlai luahtu,
Aw, tawn leh ka nuam e.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: