7 Nov 2021

Ngai teh vawiin van lal fapa

Phuahtu: Hrawva
Satu: Junior Deparment Zaipawl


Ngai te, vawiin van Lal Fapa,
A ropuina ram pelin;
Bethlehem dai bawng in tlawmah,
A lo piang chun riang chawiin.

A ngur lo piang par ang an lawm,
Lal lai thangsel run lianah;
Van Lal lo piang tu nge lo lawm,
Bethlehem bawng in tlawmah?

A tan hliaptu bawng in tlawm zar,
Laikhum zalna ranthlengah;
A rawn lawmtu chhingkhuala mi,
A chawitu chun riang Mari.

Aw, chu lawmna leh an hlimna,
Khawvel mi'n an hmuhsit chu;
Khawvel lai tin piang zawng aiin,
Kei ka tan lung tilawmtu.

Aw, hmangaihna a va na em!
Hrehawm tuar, inngaitlawmin;
Mihring chun leh zua rawn belin,
Van Lal, khawvel sual tlantu.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

1 comment:

  1. Lawm awm lutuk e Lyrics in dah a vang in .Lo dahbelh zel ru

    ReplyDelete