3 Nov 2021

Thinlung i hlan ang u

Phuahtu: Dr. Ramdinthara Sailo
Satu: Bawngkawn Pastor Bial Zaipawl, F.J Khiangte, ITI BMP Zaipawl


Ngaiteh an hril Bethlehem vang khawdai hmun rehah,
Beramputen beram an ven laiin,
Zan daifim leh thlasik boruak thiang lenna hmunah,
Vantirhkohin a puang chanchin lawmawm.

Vawiinah a lo piang ta Bethlehemah,
Lei leh van Lal nimahse ran in tlawm a bel;
Haw r'u, lawmin chibai bukin a hnen i pan ve ang,
Kan neih rohluber thinlung i hlan ang u.


Enna ropui a thleng ta chu zanthiang reh takah,
Chhiarsen loh van mipuiten zai an vawr;
Theih chang se an aw mawi chu ngaih ve ka nuam mang e,
Leia hringmite tan rem leng rawh se.

Suihlung min len mang e thinlaian a cham reng e,
A pianna Bethlehem ran in tlawm chu;
Van Lal nau ang a pian nan hmundang a awm lo ve,
Tunah kan thinlungah lo piang rawh se.


SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: