3 Nov 2021

Van lal remruat

Phuahtu: K. Lalrinpuii
Satu: S Lalmuankima


Van Lal Pathian remruat ang zelin,
Bethlehem ran in tlawmah chuan;
A lo piangta Chhandamtu Krista chu,
Chatuan nunna kan chan ve theih nan.

Kan thleng leh ta Chatuan Pa remruat angin,
Lei leh van Lal Chhandamtu pian hun;
Van mipuiten fakna hlamawi sain,
"Lei chungah remna thu leng se" tiin.

Khawchak mifingte pawh rawn lawmin,
Thilpek ropui an rawn hlan e;
Kan rilru leh taksa thlarau zawng nen,
I chawimawi ang Krista Lal ropui chu.

Lei lal te hian Krista hnawl mahse,
Lal Heroda finna in bei mahse;
Sual bawih ata min tlan chhuak turin,
Krista aia duhthlan tur an awm lo.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: