Zan khawharah ramdai berampute

Phuahtu: Selet Thanga

Satu: Vengsang Kohhran Female Voice

Zan khawharah ramdai berampute,
Riang mahse chung sang palaiin;
Lal thar piang leh a chhinchhiahna an hrilh,
Rawn hril nawn se, muthlu hnenah,
Thinlung thar nen nunhlui hnutiang chhawnin,
Lal thar lawmin kan chhuak ve ang.

Van mipui fakna chu zawmin,
"Chungnung berah ropui rawh se;
Lei chungah remna leng rawh se,"
Tiin zai i rem za ang u.

Lal Heroda aiin berampute,
Hmun ropui hnehin Bethlehem;
Lal khum nuam hnawlin ranthleng a thlan chu,
Kei misual vang a lo ni si,
Daltu thinlung sanglur rawt hniam vein,
Lal thar chibai i buk ang u.

A va mak em, keini engtham ni lo,
Van Lal berin min hriatreng chu;
Ka nun nan hmuhsit, retheih tuar a huam,
Chutiang hmangaih thu kan phu lo,
Fak leh chawimawinain hmun tin, kil tin,
Dap chhuak thuai se, thinlung thar nen.