20 Nov 2021

Zua loh hrailengte

Phuahtu: Lalduhawmi
Satu: Lalnunsanga


Ka hrailengten laitual an leng lenrualte nen,
Mi hrailengten zuapa chawnban vuanin an leng;
Ka hraichawi lengte ar ang vaih khua sei tur hi,
An chun leh zuate sam ang kan inthen a pawi emai.

Hlimlaini, chhungkim hlimlai ka ngai thin e,
Hmana chhungkimtea zai kan vawr lai;
Nau ang nuiin ami leng lianchhung ka ngai bil lo,
Hriatthiam ni reng a nei dawn lo lei hringnun hian.


Zua tel lo va hraileng chawi tlei te u,
In dawn ve thin em in hrailengte riang chan hi;
Hlimna tinrengte hlanin vur mah ila,
Zua lo hrailengte riang chan a kim thei lo.

Tlai tla eng thlang lenkawlah a herliama,
Ngaihngam ten run chhungah an lawi chun tang belin;
Tinkim dawnin thinlai mu hnu a lo thar leh a,
Hlimten zuapa pawn leh hian zuam si lo.

Nitin, thlatin, hun leh niten mi liamsan zel a,
Kan hrailengte pawn lungfin zai an rel ve zel e;
Khuanu zaran hlimni kawl a eng tan ta e,
Zua lo hrailengte Lalpan min ensan lo.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: