8 Dec 2021

Hmangaih LM

Phuahtu: Laltanpuia Tochhawng
Satu: Laltanpuia Tochhawng, PCa & Rka


Aw, kan thinlai ti hlim thintu,
Kan dawn lungruk ti kim thintu;
Mawiten par ang i vul laiin,
A lo tliak ta i vullai ni,
Aw, i hla mawi leh zai mawiten,
Nitin min awi, kan ngai ning lo,
Mahse, tawn tur i awm si lo,
Awmhar ti zualtu mai lo ni.

Kan ngaithiam lo, hmangaih L.M,
Piallei daiah run i rem hi;
I chun leh zua, i thai leh i hraichawi,
I u leh nau, lenrual zawngte,
Kan tah lai ni a bang thei lo,
Inhnem tur pawh kan awm chuang lo.


Aw, i fam chhan, i hliamte kha,
A na a ni, kan dem lo che;
Damna run pawh i tan damna,
A tling zo lo, a pawi lua e,
Aw, i fam tak ni atang khan,
Nang hmangaihtu zawng zawngte hi,
Kan hlimlaini i liampui nge,
Hlim zai zai reng reng kan rel thei lo.

I hmangaih, i liamsan takten,
Banah min vuan, luaithli an nul;
Aw, hnemtu tur an va ngai em,
Vawi khat tal han hnem leh turin,
Pui ni chu lem ang der ta la,
Hringmi zingah lo kir leh rawh,
Kir tiang rel leh a rem loh paw'n,
Tawnmangah tal lo leng rawh aw.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: