7 Dec 2021

Sikni eng leh Lal piang

Phuahtu: C Lalzarmawia
Satu: Pensy B Lalthangliani


Sikni eng zing thiang karah dai nemin hnah hring luan e,
Ruam bawh chhum zing riai e, tur ni her san hma zawng;
Thangvan sang a thiang ngei e, sirva hram a mawi chuang e,
Engdang reng hian kei zawng thinlai a luah thei lo,
Tlangsam par leh hlo par tlang tin an mawi ngei e,
Nungcha tin chiar nghian sikni eng lawmnin,
Chatuan Pathian anchhia tawng tawh hringfa lengte,
Hlimten kan nuih za leh theih nan.

Nat vang laikhum zalte leh thirbang phena awmte nen,
Awmlai lusun vanga thinlung nguia chaute,
Rairah vanga thinlaina rualban zo lo te pawhin,
Hun khata sikni eng leh Lal piang chu kan lawm,
Chan tawka tlei zo lo hringnun hmang mek tan chuan,
Khuarel thinlai ti na mai lo ni e,
Mahse, hei ber hian maw, thinlai lo luah se la,
Van Lal fa thilpek ropui hian.

Aw, nang Maka, Remruattu, Remna Lal lo pianga chuan,
Ka thinlung min hneh la, khawvar hun thlen thlengin,
Ka thinlung lairil ber hian chibai ka buk a che,
Remna arsi ka tan nunkawng hruaitu ni se,
Sikni eng lo thleng hian i hmangaihna mak chu,
Ka thinlungah a tharin min hrilh nawn se,
Chutin nau lo piang chu chibai tha ber buk a,
Ka thinlung ka hlan ve theih nan.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: