24 Mar 2022

A na lua e

Phuahtu: K Lalchhungi
Satu: H Lalthakima


Suihlung a leng emai, tlangtin, mualtin ka hawi vela,
Ka tuai enchim loh lenlaini te kha;
Aw, koh kir theih nise bawihte, hun liamta zawng,
Duatten tangah inpawm lehin hlimten kan lengdun tur.

A na lua e, ka tuar, ka tuar nem thei lo e,
Zaleng zawngten engtin ngai maw?
I chunnu leh zuapa thinlai a dam thei lo,
Suihlunglengin zamual liam hnu dawn a thui thin mange.


Kohkir theih chang se kan nunhlui hun liamta zawngte kha,
Hlimten laituala lenlaini te kha;
Ka tuai duhlai par ang vullai a thliak ta maw,
Min dawn lo'm ni i chunnu hian ka tuar thiam thei love.

Thlafam runah i lawini khan i chunnu leh zuapa,
Chinlai unau lenrual thinlai a na;
Sakhmel rial ang a dai tur hi kan phal thei lo,
Tapin kan au ruai ruai a che kir zai i rel si lo.

I hlimthla hi mai hi maw, kan chan tawk Khua ruat lo ni le?
Anka biak leh chhan zai i rel si lo;
A pawi emai tahlai ban zai kan rel thei lo,
Aw Khuanu leng, ka hrai riang kha duatten lo pawm nang che.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: