22 Mar 2022

Di hlui mangtha

Phuahtu: Hruaia Ralte
Satu: H. Lalthakima


Tinkim dawn a sei ngei zanin chu,
Fur khawthiang chhawr thla eng ka lunglenna;
A lo herchhuak chhaktiang lenkawl rawnan,
Nang nena kan sulhmun hlui, aw, ka thlir vawng vawng.

I tangbela ka lenlaini zawngte,
Lungtileng thlawn i ankanem zawngte;
Ngai mah ila awmzia a awm si lo,
Dawn a tam a sawt lo, di hlui, mangtha.


Hmanah chuan zantiang chhawr thla eng lawmin,
Duhten buan ang pawmin kan nui duna;
A rei lo em e, nang nen kan hlim lai,
Lengdang tawna vul leh tur chuan ka phal lo che.

Nunhlui dawnin suihlung chu chhir mah la,
Sebo hnu se kawngkhar a iang zo ta;
Keipawh nang nena leng dun leh tur chuan,
A rem tawh lo, ka lunglen khua ti sei turan.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, A/166, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: