14 Mar 2022

Hmangaihna mitdel

Satu: Lalrintluanga Varte

Duhluatah maw kan lawm suala,
Hmangaihna par ang vullai khan;
Thinlung lungruk hlim dun luain,
Khua kan lo hawi tawi lua a ni.

Lenrualten an thlir thiam zawk e,
Kei chuan hmangaihna mitin ka thlir tawh sia;
I anka thiam dawt leng i hrilh,
Hmangaihnain ka thlir tawh si.

I sakruang leh i sakhmel pawh,
A mawi chuang bik loa rual zingah;
Mahse, hmangaihna mitdel chuan,
A mawi lo lai a thlir mam si.

Hmangaih em em khan e, bawihte,
I nun kalsiam ka lo thlir thin;
Mahse, ka lo thlir sual zawk e,
Dawt leng i hrilh ka thlir thiam ta.

Run hmunah pawh leng dun ila,
Kan hlim dun hian ka ring chuang lo;
Sam ang kan inthen zawk nan maw,
Hmangaih mitdel a var, mangtha.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, A/166, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: