24 Mar 2022

I hriat loh ka hlau thin a

Satu: Laltanpuia Tochhawng, H Lalrempuia

Ka thlir vela lenkawl eng riai, tlaitla engmawi ri riai,
Ramloh lentu bawmin romei a zam kai chi chiai e;
Tah chuan mitthlaah i lo lang, ka lunglen mittui a lo tla.

Ka lawmna leh hlimna zawngte,
Ka lungngaihna zawng nen;
Nangmahah chuan a awm tih,
Mapui, i hriat loh ka hlau thina
.

Sakhmel tawng lo pawha biahthu min hlan thintu, Mapui,
I thaikawi biahthu di zawngte ka tan hlimna an ni;
Ka thinlungah i cham reng hi i hriat loh ka hlau thin a.

Aw, theih chang se sirva iangin thlawkin leng thiam ila,
Tlangtin mualtin pelin hlimten in runah ngei, Mapui;
Suihlungmuangten i par tlanin, aw, ni rei ka cham tura.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: