14 Mar 2022

Ka pa, ka pa, lo haw leh rawh

Phuahtu: Duhawma Chhangte
Satu: Lalkima Zote, Lalbiakhluni Colney, Maenga, R Lalhmingmawia (Mapuia), Ramtiami


A va mak em! lei hringnun hi, chhungkimtea lenlaiin maw,
Dan zawh loh awmlai hrang vanga thlafam dairial i chang mai hi,
I hrailengten kan tiam nem le, fam chang maia'n kan phal lo che,
Kan zuam lul lo, damlai hringnun zua tel lova kan hmang tur hi.

Runlum nuthai, hraichawi lengte,
Kan vaih khua a va sei dawn em;
Kan phal thei lo dairial changan,
Ka pa, ka pa, lo haw leh rawh.


Damten i len leh nan tiin damna run belh zai kan rel a,
Aw, theih ni se neihlungkhawngin i dam nan sen kan huam asin;
Hringmi danrual chang si lo maw, lunglam vaia run lam belin,
Chhunni a liam, tlaikhua varin, i fam chan dar a lo ri e.

Thal romei a lo zam leh ta, tuahpui, vauten vul zai an rel,
Nunhlui erawh vul ni awm lo, dawn lungruk hrilh a hai lua e,
Mahriakten e, kan run belin, i sul i hnu, i kutchhuak leh,
I hlimthla kan chan tawk te hi, mittui nen e, kan thlir vawng vawng.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: