Lehkhathawn hnuhnung

Phuahtu: K. Hminga
Satu: K. Hminga

Hmangaihna pentui thai kâwi a,
Thawnthu kan ziah dun kha,
Hriatrengna luahtu mai an chang ta,
Tu'n an nâwt reh lo'ng e

Phêk tin ka kêu, tlar tin ka chhiar,
Thâm hnu nun ka hmu.
Kârthudî mih hnua,natna chelhtu chu.
Kan hriatrengna chauh hi a lo ni.

I sakhminga'n ,'Lanu-lungmawli' ,
Tiin anchhia ka lawh thin che.
Mahse lungmawli'n a bum thlûk hnu hi,
A fing bik dawn em ni?

Hmangaihna hi âtna ni se,
Finni awm ang maw?
Hmangaihna ruih chilh avanga âtna chu,
Thinlung thianghlim thawmhnaw ni rawh se.

Theihnghilh che ka tum châng apiang chu,
Ka hriatchhuah châng che ni se,
Ka derthiamna chhâlin ka tiam a che,
Theihnghilh che ka tum fo ang.

Hriatrengna hi kiang thei chang se,
Hrâwkin ka hâu kiang tur.
Mahse, hriatrengnaina natna a thlen chu,
"Hmangaihna Rolung" tiin ka vuah ang.