Mampui

Phuahtu: Mapuii Fanai & John Mawitea
Satu: Malsawmtluangi Fanai (Msi)

Sakhmel tawn nan khua hmun lo mahse,
Rinawmin kan tih thin kha duhlai;
Ka ngaih che hi aw a bang thei silo,
Ka tan par ang vul zel la uai lo ten,
Tiamthu zawng kha a thlawn chantir lo'ng aw,
Ka ngai che, ka ngai em che, mampui.

Duh lengdang tawnah lung her zai,
Rel lo la ka hringnun dam chhung hun tihlim turan;
Ka tan chauh Khuanu ruat lo ni zel la,
Nun hlui hrehawm kawng chhuk chho ka zawh hnu,
Nang vangin tawrh zai ka rel nange,
Selna anka chu sirah i hnawl dun ang.

Aw ka di, tuanna tlang hmun leh tur hian,
Rinawmin kalo nghak reng nang che;
Nangnen kan sulhnu fan chang te hian,
Thinlaiah i thar zual thin,
I hlimthla pawm vawng vawngin ka va ngai che em,
Lamang ilo let hun tur ka thlir reng thin.

Ka dawn lungruk i luah zo ngei,
I kiangah ka hun zawng hmang ralin;
Eng dang reng ka ngai biklo tur,
Dam chhung lengdang tan ti lo'ng aw.