A der mai maw

Phuahtu: HT Lalthanzami
Satu: HT Lalthanzami

Nang nen hian kawng hran zawh tura,
Khuanu duan em ni kan nih tak le?
Tawrh harsa mahse hmangaihna vang chuan,
Pal tlang theih loh erawh a awm lo asin,
Mahse, ka tel lo vin i hlim zawk si,
I thlan lamtluangah chuan hlim mawlh rawh.

Ka dem lo che, bawihte, kal rawh, hlim takin va leng ta la,
I tel ve lohna hringnun chu mahten ka lo hmachhawn ang e;
Mahse, lenrual zingah engtin nge ka sawi tak ang le?
A dera ka nui hmel phenah na taka hliamin ka awm si a.

I tan chuan engkim ka huam tiin,
Rinawmna min tiam kha a ni si a;
Mahse, a der mai maw, engtin nge i theih zawk le?
Ka nuna cham hlen turin ka thlang che a sin,
Ka tahna leh ka hlimna pawh niin,
Mahse, nang chuan na takin min hliam zawk si.

"Ka ngai che, ka thlahlel che," i tih thin kha, bawihte,
Min tina, min hliam zing bertu an lo ni ta;
Kal la, lo kir tawh lo vin, i ngaihsakna der lantir a ngai tawh lo,
Ka na reng lo ang a, ka vanduai reng bik lo'ng,
Ngaihsak lo leh hliam reng nih ai chuan,
I thlan lamtluang chu panin kal tawh rawh.