Hmeichhia

Satu: Apuii Chhangte

At a tlin lohna rualduh lawm chhan,
Puitlin i tum pawn nau ang a nuar zel;
Uan pui chein i khawvel van nuamah a chan tir,
I lungngaih buaiin, aw, i kiangah a awm.

Chawlhna, muanna i zawng maw, hahdam, muanna nen?
A kawppui hlimin a siam hmeichhia anih vangin,
A chhung leh khat te a suihkhawm, hmeichhia a nih vangin,
I lungngaih, hrehawm hnemtu hahdamna,
I thinlung sak tinemtu tangnem zawk hmeichhia.

Tlawm i chuh leh a tlawm zawk fo,
Nem i chuh leh angel iang mai;
Thinrimin awm thin mahla,
Dawhtheihna neitu hmeichhia a ni.

A kawppui hlimin a siam, hmeichhia anih vangin,
A chhung leh khat te a suihkhawm, hmeichhia a nih vangin,
I lungngaih, hrehawm hnemtu hahdamna,
I thinlung sak tinemtu tangnem zawk hmeichhia.

Awmnem zawk a nih hriain,
Awmkhauh zawk i nih lantir la;
I theih tawk a tawp hunah,
A theihna a intan dawn chauh,
Aw, a hmangaih che, hmeichhia anih vangin.

Hmeichhia, hmeichhia, hmeichhia,
Tlawm la, dawh la, dawh la, dawh la,
Lal angin a en ang che,
Hmeichhia, hmeichhia anih vangin.